Bihar bertan, aurtengo Arabako Bertsolari Txapelketak bere lehen urratsa emango du Lanteno herrian.
Asier Otamendi, Xabi Igoa, Unai Mendibil, Irati Anda, Maria Izaga eta Orlando Arreitunandia izango dira txapelketaren ateak zabalduko dituzten lehen bertsolariak. Nieves del Alamo izango da gai-jartzailea.
Lantenoko Arte-eskolan afaria egingo da 21:00etan.
Hurrengoa igandean izango da Elosuko Txoko handian, 14:30ean. Iñaki Viñaspre, Alberto Martinez, Rikardo G.de Durana, Paula Amilburu, Maialen Saez de Okariz eta Xabi Lopez de Santiago arituko dira norgehiagoka, eta Nagore Irazabal gai-jartzailearen esanetara.