InDubio konpainia gazteak Epaiketa arrotzari antzerki pieza interaktiboa eskainiko du otsailaren 13 eta 14an Donostiako Victoria Eugenia Antzokian. Ondoren, otsailaren 28an, Getxoko Muxikebarrin ere ikusi ahal izango da, Euskal Herrian zehar bira bati ekin aurretik.
Silvia Larrauri, Luix Mitxelena eta Ziggy Docherty antzezleak arituko dira oholtza gainean, eta ekintza interaktiboa denez, epaiketa kontatu baino gehiago, antzezpenaren berri emango diote publikoari. Izan ere, publikoak berak epaile, fiskal, defentsa, eta akusatuaren rolean murgilduko da.
“Iñigo Santacana gipuzkoarrak idatzi eta zuzendutako lan honen emanaldi bakoitzean, ikusleek izango dute epaia erabakitzeko ardura. Antzokia ikusgela bihurtuko da (hiru edo lau bandatako ikusleekin) eta parte hartu nahi duenak test bat bete eta rol bat jasoko du (lehen aipatutakoak eta, gainera, herri-epaimahaia, lekukoak…). Horrela, epaia funtzio bakoitzean ez ezik, judizioaren garapen osoan ere desberdina izango da. Begiratzea baino nahiago ez duenak ere lasai asko egin ahal izango du”.
Kasu honetan, “publikoak istorioa baldintzatzen duten erabakiak hartzen dituen antzerki baten aldeko apustua egiten dugu”.
Juicio al extranjero gaztelaniazko bertsioan 60 emanaldi baino gehiago egin ditu Estatu osoan zehar.
