ARTEA

Consonni arte ekoiztetxeak liburu berria plazaratuko du

Bilboko jolas-parkean buruturiko ekintza artistikoa jasotzen du Vuelven las atracciones izenburuko liburuak. Bisita horietan publikoak abandonaturiko azpiegiturak eta hiri paisaia hondatuak bisitatu zituen. Hala, finantza-kapitalismo ereduaren adierazpide gorena den parke hori hausnarketarako ekintza artistiko bihurtu zuten Consonnik eta Saioa Olmo artistak.

Orain esperientzia hori liburuan bildu dute ehunka argazkirekin eta Basurama kolektiboko Luis Navarroren, Ruben Lorenzoren eta Pablo Reyren testuekin. Saioa Olmok, gainera, egitasmo artistiko honen nondik norakoak azaltzen ditu. Luna Park-eko arduraduna izan zen Franck Larcadek ere idazten du. Izan ere, proiektu hori Vuelven las atracciones-en hazia izan zen.

Parkera egin ziren bisita gidatuen ibilbideak zehazten du liburuaren egitura edo aurkibidea: parkearen historiarekin hasten da, eta gero atrakzio berrietan bihurtu ziren puntu guztiekin jarraitzen du. Izate inguru elkarteak eginiko txostenarekin osatzen da, zeinak leku horretako fauna eta flora aztertzen duen. Halaber, Oroimenak (argazkiak) eta Bisitak (bisitak deskribatzen dira) atalak ere biltzen ditu.

Consonnik bidalita

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Back to top button