Bilboko Udalak Kalealdia, Kaleko Antzerkiaren eta Arteen Jaialdia, antolatu du ekainaren 28tik uztailaren 3ra bitartean.
Bilbo antzerkiarekin eta kaleko arteekin gozatuko duen hiria izango da aurten ere, nolabait normaltasuna berreskuratuko duen jaialdi honekin. Hori bai, dagozkion segurtasun- eta higiene-neurri guztiekin. Ohiko datetara itzuliko da, eta nazioarteko konpainia ospetsu asko hirira itzultzen dira edizio biribil batean parte hartzeko, estreinaldi ugariekin.
Jaialdia zortzi agertokitan hedatuko da: Casilda Iturrizar parkean, sei kokapenekin; baita Arriaga plazan, Areatzan, Areatzako kaian, Gasaren plazan, Areatzako aterpeetan eta EHU Bizkaia Aretoan ere.
Bilboko Kalealdiak ekarriko dituen 28 konpainietatik 12 bertokoak dira, jaialdiak “tokiko kulturari eta Euskal Herriko konpainiek sortzen eta bultzatzen dituzten kalitate-proposamenei ematen dien babes garbia erakutsiz”. 12 konpainia horiek Rojo Telón, Maite Guevara, “Boni” eta Juan Palomo, Amaia Elizaran, Hortzmuga Teatroa, La Pez Konpainia, Malas Compañías Zirko Taldea, Harrobi, Eva Guerrero CIA, Deabru Beltzak, Kolektivo Konika eta Ertza dira.
Horiekin batera, Frantzia, Portugal, Brasil, Andaluzia, Katalunia, Gaztela eta Leon eta Madriletik iritsiko diren konpainiak ere badaude.
Bilboko Kalealdia Casilda Iturrizar Parkean martxan jarriko da ekainaren 28an, hortaz, adi egon!
