Atxondoko Kultura Mahaiak antzerkia aterako du kalera Kale Antzerkia Bultzatuz ekimenaren bidez, eta hiru hilabetetan (ekainean, uztailean eta irailean) hiru kale antzerki antolatu ditu Apatako plazan.
Bihar, ekainak 28, izango da lehena, 18:00etan, Barsanti konpainiaren Legea gu gara piezarekin. “Sergio eta Erramun istiluen kontrako brigadako bi kide dira, eta oso desberdinak dira elkarren artean. Sergio jantzia da, gorputz atletikoa du, literatura eta arkitektura maite ditu, kirolaria da, hizlari aparta da eta bikain mintzatzen da euskaraz. Erramunek norbere defentsako aldizkari asko irakurri ditu, baina oso liburu gutxi irakurri ditu amaierara arte. Sergio eta Erramun plaza husteko gogoz iritsi dira, legez kanpoko botiloi bat izan daitekeela-eta, baina, horren ordez, abentura mugarik gabeko baten hasiera aurkituko dute. Umoreari eta gaurkotasun sozialari heltzen zaie kaleko arteen mintzairetatik.”
Uztailaren 17an, 20:00etan, Maite Guevara konpainiak ¡Qué buen día! lana egingo du, eta irailaren 5ean, ordu berean, 20:00etan, Ganso & Cia taldearen Welcome & Sorry obrarekin gozatu ahalko du publikoak.
