Bilboko Udalak antolatutako Bilboko Dokumentalen eta Film Laburren Nazioarteko Jaialdiak bere sariak banatu ditu.
ZINEBIren 66. edizioko Sari Nagusia Andrea Gatopoulosek zuzendutako The Eggregores’ Theory (2024, Italia) animaziozko film laburrak lortu du. Epaimahaiaren arabera, “sormenez eta modu originalean erabili dira adimen artifiziala bezalako teknikak, oro har artistak ordezkatzeko erabiltzen dira. Era berean, zentsurak sormenaren heriotzara eta pertsonen isolamendura nola eramaten duen hausnartzen duen kontakizun distopiko sendo batengatik “.
Euskal Zinemaren Sari Nagusiak Sail Ofizialeko Film Laburren Nazioarteko Lehiaketako Aitzol Saratxagaren Ehiza filmari eman zaio, “euskal kulturaren tradizioa eta idiosinkrasia islatzeagatik, gaur egungo gizartean oihartzuna izaten jarraitzen duen kontakizun mitologiko baten interpretazio sendoen bidez”.
Espainiako Zinemaren Sari Nagusia Alex Reynoldsen Horizontal (Euskadi, 2024) filmarentzat izan da, “balio zinematografikoz betetako kontakizun distopiko kezkagarri eta intimoa izateagatik, hala nola tempoaren erabilera egokia eta bi protagonisten arteko harreman fidagarria”.
Mikeldi Sariak generoka ere banatu dira: Gabriella Choueifatyren (Frantzia, Libano, 2024) 2006 fikziozko film labur onenaren saria, Yakup Tekintangaç-en Morque (Turkia, 2024) filmarentzat Ohorezko Aipamena; Saurav Ghimireren Songs of Love and Hate (2024) dokumental onenaren saria; eta Camille Monnierren Ashen Sun (Soleil gris) (Frantzia, 2024) animaziozko film labur onenaren saria.
ZIFF – ZINEBI First Film Nazioarteko Lehiaketako opera prima onenari Celeste Rojas Mugicaren Una sombra oscilante izan da irabazlea. Eta aipamen Berezia jaso du Nelson Makengoren Rising Up at Night (Kongoko Errepublika Demokratikoa, Belgika, Alemania, Burkina Faso, Qatar – 2024) dokumentalak.
Horiez gain honako sariak ere banatu dira: 3.000 euroko EiTB Publikoaren Saria Fon Cortizoren Bumblebee (Espainia, 2024) filmak irabazi du; FAS zineklubak 2.000 euroko saria eman dio George Todriaren Los invitados de Amaia (Euskadi, Georgia, 2024) fikziozko film laburrari, “gure ikuspegia beste barne-mundu batean zehar eramateagatik, bere oroitzapen eta ametsen artean, eta bien arteko nahasmena, beste garai batzuk, beste espazio batzuk eta baita hauen antzezpenak ere”. Sari ekonomikorik gabeko Unicef Saria Alicia Moncholíren Campolivar (Espainia, 2024) film labur dokumentalarentzat izan da.
Zinebi Networking Saria Y así seguirán las cosas lanari eman zaio, Marina Palacio Burgueñoren zuzendaritzapean eta Garazi Elorza Vadillo eta Gariza Filmsen ekoizpenarekin; Estatuaren proiektuei emandakoa, berriz, The Dutchbat lanari eman zaio.
Informazio guztia: ZINEBI
