Ekainaren 25era arte dago ikusgai Nora Aurrekoetxea (1989, Bilbo) eta Laura Ruiz (1989, Bilbo) artistek Bizkaiko Foru Aldundiaren Barriek Sormen Artistikorako Bekak programaren baitan garatu duten A strong need of security and sense of belonging erakusketa.
Atenas hiriko Y-Residency egoiliar-programaren baitan egindako proiektuaren zati bat da Rekalde Aretoan paratutakoa. “Atenasko “site especific” proiektua egiteko bildutako dokumentazio eta ikus-entzunezko material guztiaren berri-ikuspenaren zati bat da”.
Hala, erakusketa instalazio bat da, bideoa, irudia, eskultura eta objektuak biltzen dituena. “Horiei esker, erregistratuta dauden kultura-testuingurutik, esperientziatik eta intimitatetik zehar dabiltzan konexioak sortzen dira”.
Plastikoak, eraikinetako aldamio eta bestelako objektuekin ondutako lana da; objektu guztiak aurkitutakoak dira. “Eguneroko keinuak baliatzen dituzte dokumentala gurutzatzen duen kontakizuna artikulatzeko, eta zeharkako ikuspegi bat proposatzen dute”.
Aurrekoetxea eta Ruiz (1989, Bilbo) Arte Ederretan lizentziatuuak dira, EHU/UPVn, eta 2010 urteaz geroztik elkarlanean aritzen dira. “Testuinguru soziopolitikoetan sortutako esanahi-egiturak interesatzen zaizkie, eta hurbileko inguruaren aldaketa-prozesuak lantzen dituzte eskulturaren bitartez”
Informazio gehiago: salarekalde.bizkaia.net.