Nafarroako taldekako bertso ekimenak segida izan zuen joan den asteburuan. Joan den ostiralean, Iruñeko Zaldiko Maldiko elkartean izan zen ekimenaren lehen hitzordua. Han Obario Maldikoak taldeak (Saioa Alkaiza, Irati Majuelo eta Aimar Karrila) eta Malerreka/Baztango Iluminatiums taldeak (Iker Gorosterrazu, Amaia Elizagoien eta Alazne Untxalo) bildu ziren. Azkenean etxeko taldearentzat izan zen puntu irabazlea.
Asteburuko bigarren saioa Berriozarko Taupada gaztetxean antolatu zen Hiru garabardo eta pintxo bat taldearekin (Ainara Ieregi, Sarai Robles, Mikel Lasarte eta Manex Mailharin) eta Etxarri Aranazko Einnekin taldearekin (Joseba Beltza, Unai Artieda eta Sahats Karasatorre). Kasu honetan Etxarriarrek eskuratu zuten puntu irabazlea.
Ostiraleko hirugarren eta azken saioa Leitzan jokatu zen, Atekabeltz gaztetxean. Herriko Atekaberts taldea alde batetik (Joanes Illarregi, Xabat Illarregi eta Migel Mari Elosegi) eta Barañaingo Barañetak taldekideak bestetik (Mintxo Astiz, Ander Baiano, Edurne Errea eta Iñigo Aranguren). Kasu honetan leitzarrentzat izan zen puntua.
Igandean berriz, saio bikoitza antolatu zen Lesakako Arrano elkartean. Eguerdiko 12:00etan lehenik bertako Unibertsolariak (Josu Sanjurjo, Iban Garro, Jon Silveira eta Joxe Juan Zubieta Etxabe) eta Altsasuko Bota lasai taldea (Joxema Leitza, Ekain Alegre, Idoia Granizo eta Aitziber Grados) aritu ziren kantuan. Etxekoak irabazi zuen.
Eta arratsaldean, Lesakako Tantirubertso taldea (Eneko Fernandez, Ioar Tainta, Maddalen Lopez eta Iñigo Olaetxea) eta Leitzako Atekaberts taldea (Ander Fuentes Itturri eta Joanes eta Xabat Illarregi anaiak) neurtu ziren. Hemen, leitzarrek bigarren faserako sailkatzea lortu zuten.
Asteburuko azken saioa Iruñean jokatu zen, Zaldiko Maldiko elkartean. Mirristi Drimtim (Oscar Sanz de Acedo, Mikel Juaniz eta Martin Azpiroz) eta Berako Larungo antenak (Patxi Castillo, Jokin Pinatxo eta Aitor Elexpuru) aritu ziren. Azkenean beratarrentzat izan zen puntua eta bigarren faserako txartela lortu zuten.
Datorren asteburuan Bardoak ekimenaren lehen faseko azken saioak jokatuko dira Mezkiritz, Alli, Otsagabia, Etxarri-Aranatz eta Iruñean.
