2017ko uztailaren 20tik 25era egingo den 52. Heineken Jazzaldian joko duten tokiko hamar taldeak hautatzeko prozesua datorren astean hasiko da, hilaren 23an. Lehenengo emanaldi horretan Ludovico y Los Acéfalos banda arituko da VE Klubean, 20:00etan.
Ludovico y Los Acéfalos rap instrumentatua egiten duen banda da, bestelako estilo dantzagarriei bizkarra eman gabe. Jazzaldiaren arabera, “musika beltzaren hurbileko hainbat soinutan inspiratzen dira: funkeko grooveak, reggaeko kadentziak, oso dantzagarriak gertatzen diren afro-beat trantzeak, etab”. Iaz, MusikeneMY Series sailaren baitan, hiru kantu berri sareratu du talde donostiarrak.
Bihar eta etzi, halaber, areto berdinean, beste bi kontzertu izango dira, Iñar Sastre eta Z-Bone Project Quartet, hurrenez hurren.
Egitaraua ondoko hitzorduekin osatuko da: otsailaren 8an, La Prima Janis; 9an, The Disappointments; 21ean, Diablues & Bluecifer; 23an, Didier Datcharry Trio; 28an, Ghost Number & His Tipsy Gypsies; martxoaren 1ean, Marcelo Escrich-Silent Trio; 7an, Kass & The Gingerbread Boys; 9an, Bucket Brigade; 21ean, Pas de Bourrée; 28an, Aarón Castrillo Collective; eta, amaitzeko, 29an, Erik, Joanes & Dave.
Infotrmazio gehiago: heinekenjazzaldia.eus.
