Urtarrilean hasiko den 2017ko Arabako Bertsolari Txapelketan nortzuk kantatuko duten badakigu, joan den asteburuko Araiako saioak itxi baitu sailkapena.
Guztira 18 bertsolari arituko dira: 2015ko 5 finalista ( Manex Agirre, Iñaki Viñaspre, Oihane Perea, Xabi Igoa eta Zigor Enbeita) eta kanporaketetan sailkatutako 13 bertsolari. Hauek: Asier Otamendi, Andere Arriolabengoa, Iker Agirre, Rikardo Gz. de Durana, Paula Amilburu, Serapio Lopez, Peru Abarrategi, Izar Mendiguren, Jagoba Apaolaza, Felipe Zelaieta, Ander Solozabal, Asier Rubio eta Jon Ruiz de Pinedo.
Datorren urteko Arabako Bertsolari Txapelketa urtarrilaren 21ean aurkeztuko da, eta finala apirilaren 1ean jokatuko da, Gasteizko Printzipal Antzokian.
