Getxoko zineklubak otsaileko ostiraletan emango dituen filmen zerrenda iragarri du. Hala, otsailaren 6an, Jim Jarmusch zuzendari estatubatuarrak filmatutako Only Lovers Left Alive filma proiektatuko da.
Kalitatezko odola lortzeko zailtasunak dituen banpiro bikote baten istorioa kontatzen du Jarmusch-en filmak. Gizona Detroiten bizi da, eta ezkutuan bizi den musikari ezaguna da, gitarra jotzailea; emakumea, berriz, Tanger hirian bizi da, literatur giroetan murgilduta.
Zineklubak otsailean aurkeztuko dituen beste hiru filmak honakoak dira: 13an, Alberto Rodriguezek zuzendutako genero beltzeko La Isla Mínima film espainiar saritua; 20an, Keizou Kusakawaren Magical Girl; eta, amaitzeko, Michael Haneke zinegilearen Amour ezaguna.
