Joan den aste osoan zehar makina bat film pantailaratu ditu BBK Mendi Film Bilbao-Bizkaia 13. edizioak. Azken egunean lanik onenak saritu egin ditu.
Hala, BBK Mendi Film Bilbao-Bizkaia 13. edizioko Sari Nagusia Sir Edmund Hillaryren azken espedizio handiaren pelikulak irabazi du: Hillary-Ocean to Sky. Sir Edmund Hillaryren azken espedizio handia izan zena irudietan jarri du Michael Dillon zuzendari australiarrak. 1977an Ganges ibai sakratuan gora motordun txalupetan eginiko espedizioa da ardatza, geroago Himalaiako Akash Parbat mendi tontorrean burutu zena.
Horretaz gain sari dezente banatu ditu jaialdiak. Hala Zuzendari Onena Marcin Polar izan da Harda-The Tough filmarengatik; Argazkilaritza Onena Vaeltajat – Wandering In The White lanarentzat; Epaimahaiaren Saria L’escalade Libérée lanari eman zaio; Mendiko Film Onena Być Kobietą W Himalajach (To Be A Woman In The Himalayas) izeneko filmak eskuratu du; Kultura eta Natura Film Onena Into The Canyon lanarentzat izan da; Film Labur Onena El Gran Hito obrarentzat izan da; eta Euskarazko Film Onena Mendian Hil, Hirian Hil izenekoarentzat izan da.
Bestelako sariak eta xehetasunak Mendi Film jaialdiak ditu.
