Irailaren 6, 7 eta 8an, Soul eta R&B doinuek Iruña hartuko dute Beltza Weekend jaialdiaren seigarren edizioari esker. Sei talde hurbilduko dira Nafarroako hiriburura.
Stone Foundation izango da jaialdian, soul eta funk talde britainiar bikaina, 25. urteurrena ospatzeko Europako bira zabal batean murgilduta dagoena. Euskal Herriko kontzertu bakarra izango da talde horrena.
New Yorketik Daddy Long Legs iritsiko da. Brian Hurd aka Daddy Long Legs da taldeburua, eta “bere harmonika erretzaile eta frenetikoarekin egindako koktel lehergarria buruan lehertuko zaizue”.
The Tibbs taldea ere bertan izango da Keep It to Yourself lan berria aurkezteko. Adituen ustetan, soul klasikoko Europako talderik onenetakoa da.
Erresuma Batutik ere Aisha Khan R & B, Jazz eta Blues taldeetako abeslaria, The Rajahs bere talde bikainarekin batera iritsiko da. Nazioarteko lau talde hauek Zentral aretoko kontzertuen protagonista izango dira ostiralean, hilak 6, eta larunbatean, hilak 7.
Eta horiez gain, beste bi kontzertu antolatu dira: lehena irailaren 5ean izango da, eta Moisés No Duerme eta bere talde berria izango da protagonista, eta bigarren emanaldia, irailaren 7an, ska eta reggaea maite duen Les Testarudes talde kataluniarrak egingo du.
Informazio osoa: Beltza Weekend.
