Euskarazko fantasiazko film laburren ekoizpena bultzatzeko laguntzaren proiektu irabazlea hautatu du FANT jaialdiak: Nitya Lópezek 5.000 euroko laguntza jasoko du Éxodo film laburra ekoizteko.
Epaimahaia EiTBko Ekoizpen Saileko Josu Bilbaok, Donostiako Fantasiazko eta Beldurrezko Zinemaren Asteko zuzendari Josemi Beltranek eta FANTeko zuzendari Amaia Domingo osatu dute, eta 7 hautagairen artean aukeratu dute proiektu irabazlea.
Epaimahaiaren irizpidearen arabera, Nitya Lópezen lanak irabazi du “genero fantastikoaren barruan istorio original bat kontatzen duen potentziala duen proiektu bat delako, hainbat interpretazio geruzarekin. Proiektu artistikoaren eta produkzio-proiektuaren sendotasunak, biak lurraldearekin lotuta, kalitatezko emaitza bat aurreikustea eragiten dute “.
Laguntza hau deitzen den bigarren urtea da, eta film laburren aldeko apustua bermatzen du. Sariaren helburua da, “euskarazko fantasiazko film laburren ekoizpena babestea, irabazleei hizkuntza horretan film labur bat egitea erraztuz”. 2024an, Amaia San Sebastianek irabazi zuen laguntza hau, Olentzerori eskatu nion film laburrarekin. Proiektu hori zinemaldiaren aurtengo edizioan estreinatu da.
