Maiatzaren 18an, ostirala, eta Txarraska Basauriko gaztetxearen 13. urteurrenaren harira, hardcore estiloko kontzertu energetikoa egingo dute.
Orotara, lau talde arituko dira erritmo azkar bezain biziak zabaltzen: Al Infierno En Goitibera (Hc-Punk Laudiotik); Die Schwarzen Schafe (Punk Alemaniatik); Karbunko (Punk, LLeida), eta The Black Panthys Party (HC, Asturies). Hardcore eztanda 22:00etan hasiko da.
Biharamunean, maiatzak 19, gaztetxean bertan Gazte Eguna ospatuko dute. Egitaraua 10:30ean hasiko da, haurrentzako jolas eta tailerrekin.
Gero, 13:30ean, trikipoteoa egingo dute eta 14:30ean herri bazkaria egingo dute gaztetxean. 18:00etan Presoen aldeko manifestazioa izango da Bajo Presion taldearen zuzeneko musikarekin eta azkenik, 22:00ak bueltan, asteburuko bigarren hardcore eta punk hitzordua izango da. Izan ere, Vitesse ( HC melodikoa, Bilbo); Krimen y kastigo (Punk, Basauri) eta 28 eskupitajos de semen (Punk, Bilbo) taldeek joko dute gaztetxean.
Basauriko gaztetxeko ospakizun hauekin loturiko xehetasun guztiak txarraska.org webgunean jasotzen dira.
