Titulu eder eta kurios honekin antolatu dituzte artistekin topaketak eta erakusketa bat Iruñeko Ziudadelako Arma Aretoa. Bisitak eta tailerrak ere ez dira abenduaren 27tik urtarrilaren 4ra bitartean faltako.
Hainbat artistaren obra ezagutzeko ibilbide bat antolatu dute bertan, non erakutsiko duten nola aldatzen duten errealitatea diziplina artistiko ezberdinen bidez (eskultura, pintura, argazkilaritza, ikus-entzunezkoak, arte-objektuak). Aretoan barnako ibilbideak hainbat gune aktibo ditu, eta gune horietan, aldi berean, artista bakoitzak bere obra azalduko die bisitariei lantegi txiki baten bidez. Parte-hartzaileak gunez gune mugitu ahal izango dira, eta era askotako sormen-lanak egin. Lantegi horietako emaitzak erakusketa baten parte izango dira, eta modu horretan aretoa etengabe aldatzen doan leku bihurtuko dute.
Horretaz gain, altzariak birziklatzeko haurrendako lantegiak ere antolatu dituzte, 5 eta 12 urte arteko haurrei zuzendua. Lantegiaren xedea da haur bakoitzak bere altzari propioa proiektatu eta sortu ahal izatea, eta horretarako altzari zaharren zatiak eta hondakinetako materialak erabiliko dituzte (hankak, tiraderak, moldurak, paperak, ehunak…). Haur bakoitzak zatiak lotu, muntatu, margotu eta apaindu ahal izango ditu, etxera eramateko objektu artistiko erabilgarri bat lortze aldera.
Programa bikaina egun hauetarako Iruñean.
