Irantzu Lekuek eta Olatz Alonsok sortutako Eraldaketa: SortzaileON afera inauguratuko da bihar, irailak 14, ostiralean, 20:00etan , Oihaneder Euskararen Etxeko Jovellanos aretoan. Gazte Sortzaileak beka deialdiari erantzunez, Lekuek eta Alonsok emakume sortzaileen sorkuntza-jarduera bistaratu nahi izan dute eta era berean, Araban eta Gasteizen artearen eta kulturaren inguruko mugimendua sustatu nahi dute, euskarazko ikus-entzunezko muntaketa esperimentala sortuz, zehazki bideo-arte pieza bat.
Gazte Sortzaileak ekimenaren programazio barruan, sormenaz hausnartu dute Zuriñe Hidalgo abeslariak (Hesian musika taldea), Izaskun Urkijo arte zuzendariak (Errementari filma), Ane Rodriguez Tabakalerako zuzendariak edota Irati Jimenez idazleek, hainbat solasaldi saioetan, sorkuntza-prozesuaren inguruko irudi eta aurreiritziak, kultura, kulturak, artea, arteak bizitzeko moduak, eta kulturgileen irudia ardatz hartuta.
Orain, proiektuaren orain bigarren faseari helduz, bihartik irailaren 21era bitartera, Eraldaketa: SortzaileON afera egongo da ikusgai Oihaneder Euskararen Etxean. Ondoren, Arabako herrietatik barna mugituko da erakusketa.
