Markina-Xemeingo Akerbeltz gaztetxean egin zen Plazatik Gaztetxera ekimenaren saio definitiboa larunbat gauean. Jende andana eta giro aparta, beroa, bertsolaritzaz gozatzeko.
Oihana Iguaran eta Unai Mendizabal bikoteak irabazi du 2013ko Plazatik Gaztetxera Bertsolari Gazteen Txapelketa espeziala. Bi hauek, Josu Oiartzabal Xenpelar eta Jon Gurrutxaga azpeitiarren kontra aritu ziren azken saioan txapela lortzeko.
Hauen ostean beste bikoteak sartu ziren. Hirugarrenak Maddi Ane Txoperena eta Paula Amilburu izan ziren; eta laugarrenak, Malen Amenabar eta Txaber Ormazabal.
