Bilboko Fas zineklubak emanaldi bikoitza ondu du maiatzaren 21ean El Carmen aretoan, 19:45ean: The deep blue sea (Terence Davies, Gran Bretaña, 2011) eta Escúchame (Mabel Lozano, España, 2010,) film laburra. Emanaldia Felix Linares kazetari ezagunak aurkeztuko du.
Mabel Lozano aktore ezagunaren film laburrak emakumeen sexu ustiaketa salatzen du. Lan minimala da, elkarrizketa gutxirekin egindakoa.
Terence Davies zuzendari britainiarraren lanak, berriz, Hester Collyer Erresuma Batuko Auzitegi Goreneko Sir William Collyer epailaren emaztearen istorioa kontatzen du. Hester-ek bizimodu pribilegiatua du 50eko hamarkadako Londresen. Halere, Freddie Page RAFeko pilotu ohiarekin maitemindu eta berarekin bizitzera joango da. Epailearen emaztearen ingurukoak harrituta geldituko dira erabaki horren berri izaterakoan.