Chavela Vargasen pertsonaian oinarritutako ikuskizunak hiru emanaldi izango ditu Bilboko Arriaga Antzokian. Jasotako harrerak hiru gauez antzokia beteko duela egiaztatzen du. Rozalén musikariak eta Luisa Gavasa antzezleak hartuko dute parte oholtzan Carolina Román antzerkigile argentinarrak zuzentzen duen ekoizpen honetan.
Sarrera guztiak agortu omen dira atzo, gaur eta bihar izango diren ekitaldietarako. Chavelak mundu osoa liluratu zuen, egiak bihotzarekin eta bere ahots zorrotzarekin abestuz, eta Euskal Herritarrak ere modu berean txunditu zituen ikuskizun honen arrakasta ikusita.
Antzezlanaren sinopsi moduan hau azaldu dute ekoizpeneko kideek: “Chavela etxera itzuli da bira luze baten ostean, azken emanaldia eskaini ondoren. Bere lagun “La Pelona” hiru egun barru etorriko da haren bila, eta Chavela mundu honen eta beste munduaren artean ibiliko da. Nor den ahazten du noizbehinka, baina hari gorri batek urrutira eramaten du; “bizitza maite izan zuen” leku horietara, abiatu aurretik bisita egiten dioten oroitzapenen linbora. Han, adineko emakume bat heriotzaren zain dago, zauritutako neskato batek emakumearen barruan agintzen du, eta mito bat betiereko bihurtzen da.”
Rozalén eta Gavasarekin bat, Paula Iwasaki, Raquel Varela eta Laura Porras antzezleen partaidetza du lanak. Horrez gain, ikuskizunaren funtsezko balio bat Alejandro Pelayoren musika da, konpositoreak berak zuzenean interpretatzen duena.
