Bizkaiko Bertsolari Txapelketaren azken finalaurrekoa Lemoan jokatu da iragan den asteburuan. Publikoaren aurrean sei lagun hauek kantatu dute: Aissa Intxausti Aburruza, Ibai Amillategi Omaetxebarria, Josune Aramendi Perez, Nerea Ibarzabal Salegi, Oihana Bartra Arenas eta Onintza Enbeita Maguregi.
Azkenean, Nerea Ibarzabalek irabazi du Lemoako finalaurrekoa, eta ondorioz, finala osatu da.
Bizkaiko Bertsolari Txapelketako finalean kantatuko duten zortzi bertsolariak honako hauek dituzue: Xabat Galletebeitia, Jone Uria, Nerea Ibarzabal, Onintza Enbeita, Oihana Bartra, Gorka Pagonabarraga, Aitor Etxebarriazarraga eta Aissa Intxausti.
Dakizuenez, final handia, abenduaren 16rako antolatu da, Bilbao Arenan.
