Abuztuaren 1etik 4ra bitartean Akanpada Libertarioa egingo da Otxandio eta Olaeta artean. Antolatzaileek egitarau zabala atondu dute jardunaldiotan.
Programa horretako zenbait ekitaldi nabarmenduko ditugu. Hasteko, abuztuaren 1ean, 23:00etatik aurrera film libertarioen maratoia izango da.
Biharamunean, abuztuak 2, arratsalde partean Larrabetzu eta Berangoko eskola libreek hitzaldia eta tailerra zuzenduko dute Pedagogia/Hezkuntza askea lelopean. Iluntzean, berriz, Gaztelako Komumeroek hitzaldia eta solasaldia gidatuko dute. Gauean sormena izango da protagonista: bakarrizketak, musika, antzerkia eta abar.
Abuztuaren 3an, hitzaldia eskainiko dute Autodefensa taldeko kideek, 11:30ean. Arratsaldean, berriz Euskal Herriko Koordinakunde Libertarioaren asanblada orokor eta irekia egingo dute 17:30ean eta gauean,23:00ean, kontzertua izango da: Alperrikako bizien jabe ( bikote akustikoa); 28 eskupitajos de semen( punk bertsio klasikoak); Louise michel, La banda del abuelo, eta, azkenik, guatekea disko jartzaile batekin.