Jesus Lapuentek (Zaragoza, 1953) Tiempos confusos izenburuko erakusketa paratu du Iruñeko Ziudadela-n. Erakusketa zabalik dago otsailaren 24a bitarte, eta pintura, diseinu grafikoa eta artearen historia uztartzen dituen sinkretismo esperimentua da.
Erakusketan formatu anitzeko koadroak ikus daitezke, eta lanok artearen historiaren berrikuspena osatzen dute. Hala, margolanetan makina bat pertsonaia eta irudiak ageri dira, pop logika jakin bati jarrairtuz, non diseinu grafikoaren eta publizitatearen eraginak nabaritzen diren.
Orotara, lau dozena lan dira, akrilikoarekin eginiko oihalak, gehienak formatu handikoak.
Lapuenteren hasierako erakusketetan jada nabaritzen zen pop mugimenduaren influentzia, bai eta surrealismoarena ere. Hainbat banako erakusketa egin ditu, batez ere Aragoi, Valentzia eta Nafarroako galerietan. Horiez gain, New York hiriko Brooklyn Borought Hall aretoan ere erakutsi zituen bere lanak 2009an.
