Lehenago esan dugu. Bilboko Zazpikaletan kokatuta dagoen Biba! kutur guneak bertan behera gelditutako Euskal Herria Zuzenean festibalaren aldeko jaialdi solidarioa ondu du bihar, 20:00etatik aurrera.
Bada jaialdi erraldoiaren aldeko ekimenak ernatzen ari dira nonahi. Bertsogintzarekin zerikusia duen beste hitzordu elegante bat atondu dute Larrabetzun: Bertso Zaparrada izenburupean.
Hala, uztailaren 7an, Hori Bai Gaztetxean, gaueko 22:00etatik aurrera, bertsoaren ahots ezagunak bilduko dira kantari: Amets Arzalluz, Miren Amuriza, Sustrai Colina, Maialen Lujanbio, Alaia Martin, Igor Elortza, Jon Maia, Beñat Gaztelumendi, Onintza Enbeita, Andoni Egaña, Odei Barroso eta Josu Goikoetxea.
Elkartasun erauntsiak segida izango du.