Nafarroako Kulturako Zuzendaritza Nagusiak arte eszenikoen eta musikalen sektoreari diru-laguntzak emango dizkio enpresa, profesional eta hirugarren sektoreei zuzendutako jaialdiak, lehiaketak, kontzertuak edo ikuskizunak ekoizteko.
Lehenengo deialdia Artem Pro izenarekin ezagutzen da, eta 2024. urte osoan eta 2025eko otsailaren 28ra arte estreinatu diren obren arte eszenikoen eta musikalen arloko ekoizpena finantzatzera bideratuta dago. Proiektu horiek zuzenean, aretoan edo kalean gara daitezke, eta Nafarroan ekoitzi eta estreinatu behar dira. Helburua kalitatezko arte-eskaintza anitza, berritzailea eta publikoarentzat interesgarria izan dadin laguntzea da. Laguntza horietarako 330.000 euro gorde dira.
Bigarren deialdia, Artem Festival, arte eszenikoetako ekitaldiak, jaialdiak eta lehiaketak antolatzen dituzten enpresa eta profesionalei zuzenduta dago, eta 100.000 euroko zuzkidura du. Ikuskizunak Nafarroan egin beharko dira azaroaren 1era arte. Eskatzaile bakoitzak proposamen bakarra aurkeztu ahal izango du. Laguntzak emateko, eta ekoizpen-deialdiaren kasuan bezala, proposamenaren kalitate-irizpideak, bideragarritasun ekonomikoa eta espero den eragina hartuko dira kontuan.
Azkenik, hirugarren deialdiak 426.000 euroko zuzkidura du, eta arte eszenikoen eta musikalen hirugarren sektoreko erakundeei zuzenduta dago, baldin eta esparru horretan jaialdiak, kontzertuak eta ikuskizunak antolatzen badituzte. Kasu honetan, bi laguntza-modalitate ezartzen dira. Alde batetik, A modalitateak aurrekontu handiko (50.000 euro edo gehiago) jaialdi, kontzertu eta ikuskizunak antolatzeko laguntzak ematen ditu, eta B modalitateak aurrekontu txikiko (50.000 euro baino gutxiago) proposamenak biltzen ditu.
Xehetasun guztiak hemen kontsultatu ahal dituzue.
