IKUS-ENTZUN

“Zinebi” Bilboko Dokumentalen eta Film Laburren Nazioarteko Jaialdiaren 63. edizioa

Bilboko Udalak antolatutako Bilboko Dokumentalen eta Film Laburren Nazioarteko Jaialdiak azaroaren 12an abiatuko du bere 63. edizioa. Jaialdia azaroaren 19ra arte luzatuko da. Aurtengo programazioa prentsaurreko batean aurkeztu dute gaur goizean. Aurtengo Ohorezko Mikeldi sariak Margarethe von Trottari eta Imanol Uriberi emango zaizkie.

Prentsaurreko honetan eman den lehen datua honakoa izan da: 41 herrialdetako 123 filmek hartuko dute parte,  eta programaturiko filmen erdiak baino gehiago emakumeek zuzendu dituzte. Aurten, 3.500 film labur baino gehiago ikusi dituzte Zinebiko hautapen-batzordeko kideek.

Zinebiren proiekzioak, ohi bezala, bi ataletan banatu dira: Sail Ofiziala eta beste proiekzio batzuk. Lehenengoan, Film Laburren Nazioarteko Lehiaketa eta ZIFF-Zinebi First Film Nazioarteko Lehiaketa sartzen dira, errealizadore berrien film luzeei eskainita.
Bigarrenean, Beautiful DocsMunduko dokumentalen panorama, dokumentalaren nazioarteko panoraman gertatzen dena islatzen duen sail ez-lehiakorra, eta Bertoko begiradakMiradas desde Euskadi atala, Euskadin ekoitzitako film laburrez eta luzeez osatua.

Azaroaren 19an aurkeztuko da jaialdiaren palmaresa, eta epaimahaiak emango ditu Sail Ofiziala-Nazioarteko Film Laburren Lehiaketako sariak.

Aipaturiko sailez gain, Saio Bereziek osatuko dute jaialdiaren programazioa. Aurten Itxitik proiektuaz gozatu ahal izango da, 2020an Zineuskadik COVID-19ak behartutako konfinamenduaren gaia jorratzeko abiarazitako deialdiaren ondorioz filmatutako film labur sorta. Gainera, diziplina anitzeko ikuskizun bat aurkeztuko da, zuzeneko musika-emanaldiaren eta aurrez erregistratutako ikus-entzunezko materialaren arteko mugak lausotu nahi dituena, Vulk talde bilbotarrak Vulk ez da bere burua deskubritzeko egin duen ariketa bidez.

Eta nola ez, jaialdiak profesionalentzako topagunea izango da berriz Zinebi Networking foroaren bidez. Eta publikoa kontuan hartuko da Zinebi Meetings ataleko hainbat topaketetan; honakoak: Enrique Urbizu Goya sariaren irabazlea den zuzendari bilbotarra eta Carlos Alberto Gemezekin, Marta Popivoda zinemagile serbiarrarekin, Yunuen Cuencak komisariatutako Focus: México, Cine y Mujeres programan sartuta dauden Mexikoko zinemagileekin, Dora Garcia artistarekin eta Ohorezko Mikeldiaren irabazleekin: Margarethe von Trottak Helena Taberna zinegile nafarrarekin hitz egingo du eta Imanol Uribek Carlos Reviriego Espainiako Filmotekako programazio zuzendariarekin.

Azkenik, aurten ere, zuzeneko emanaldiez gain, film luze eta laburrak ere online egongo dira ikusgai Filmin plataformaren bidez.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Back to top button