Bilbon abiatutako Zinemakumeak Gara! emakumezko zine-zuzendariei buruzko programarekin lankidetzan, FAS zineklubak A Girl At My Door (July Jung, 2014, Hego Korea) drama aurkeztuko du gaur, BBK aretoan, 20:00etatik aurrera. Zinemakumeak Gara! zikloak igandera arte iraungo du.
FASen arabera, “MuJuly Jung zinegile eta gidoigile hego-korearraren lehen lana da eta film honekin hainbat sari lortu ondoren, egungo panorama zinematografikoan egile interesgarrienenetako batean bihurtu da”.
Zuzendariak 20 urte zituela entzundako ipuin batek piztu zuen filma, eta hiru dira filmaren protagonistak: bi emakume eta isiltasunaren presentzia. “Hego Koreako herri txiki batean gertatzen diren tramak kontatzen dizkigu, non biktima delakoa erasotzaile bihur daitekeen”. Tratu txarrek eragindako egoera larri eta basatiak garatuko du filma. Antzezleen lana bikaina da.
