Aurtengo Beldur Barik Topaketa Zumarragan eta Urretxun egingo da, larunbatean, azaroak 29. Emakumeenganako Indarkeriaren Aurkako Nazioarteko Egunaren harira, Emakundek bultzatutako, hiru Foru Aldundien eta EUDEL-en partaidetzarekin, Beldur Barik 2014 programaren amaiera egingo da.
Gazteei zuzendutako programan programak 224 ikus-entzunezko lan jaso dituzte, ikus-entzunezko lehiaketa dela medio. “Lan horiekin, neska eta mutilek erakusten dute nola egiten dieten aurre ezberdintasunezko eta indarkeriazko egoerei errespetuan, parekidetasunean, askatasunean eta autonomian oinarritutako jarrerekin”.
Lanok askotarikoak izan dira: flashmob-ak, ozen irakurritako olerkiak, bideoklipak, fotomuntaketak, film laburrak, animazio proiektuak…
Azaroaren 29an Urola-Garaian egingo den topaketaren harira, askotariko ekitaldiak izango dira: ikus-entzunezko lanen sari-banaketa, tailerrak, prestakuntza-saioak, kalejira, eta abar.
Horrekin batera, azaroaren 25a ospatzeko (Emakumearenganako Indarkeriaren Nazioarteko Eguna), Beldur Barik programa sutatzen duten instituzio guztiek puntu lila erabiltzera animatzen dute.
