ARTEA

Eduardo Sourrouille artistak bere autorretratuak paratu ditu Bilbon

Eduardo Sourrouille artistak Oskolak izenburuko erakusketa jarri du ikusgai Bilboko Marzana gunean; erakusketa zabalik da azaroaren 3ra arte.

Sourrouille autorretratuekin osatu du erakusketa. Argazkion bidez, artista irudi “bikoitzfaltsu” bihurtzen da. Hala, irudi  bikoitz horien bidez autoreak gizarte garaikidean identitateak eraikitzeko moduen inguruko gogoeta egiten du.

Artistak maskarari eta maskaradari buruzko ikerketa berri baten inguruan ardazten den corpusa eraiki du, 1990eko hamarkadaz geroztik. Ibilbide horretan hainbat elementu nagusitzen dira: mitoak, fobiak, fantasia, aztikeria, groteskoa… Betiere, maskulinoari lotutako balio aldaezinak hankaz gora jartzeko xedearekin.

Eraikuntza kulturalak, oskolak edo geruza babesleak, besteak beste, artistaren irudia, botere, maskulinitateak, heldutasuna, eta abar, egoera eta eszena berriak zalantzan jartzen eta berresten dituzten fantasmagoriak bihurtzen dira.

Informazio gehiago: espaciomarzana.com.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Back to top button