Gernika, rock and rally izeneko jaialdia ondu du aurten ere Iparragirre Gernikako Rock Elkarteak, ekainaren 6an. “Iparragirre Musika Elkartea 2002. urte inguruan sortu zen, Gernika-Lumoko egoera kulturala eta entseatzeko lokal gabeziari irteera bat eman nahian”.
Soziedad Alkoholika, Etsaiak eta Porco Bravo izango dira kartel-buruak; hortaz, metal, hardcore eta punk-rock erritmoak nagusituko dira jaialdian.
Nabarmentzekoa da Etsaiak taldearen itzulera, izan ere, bost kontzertu baino ez dituzte emango, eta Gernikakoa lehenengoa izango da. Oholtzan ondokoak izango dira: Paulillo (bateria), Txapel (kitarra), Auo (ahotsa) eta Toki (ahotsa eta perkusioa) eta Jorge (Gora Herria) eta Dann (Space Octopus) partaide berrien laguntzarekin.
Aipatutako hiru kartel-buru horiekin batera, Aberri Txarrak, Backbone eta Blaster M arituko dira.
