Oionen, Arabako Bertso Kuadrilla artekoaren azkeneko topaketa jokatuko da larunbat honetan. Araba Errioxako bertso-eskolak antolatuta, lau talde arituko dira bertsoa eta musika uztartzen dituzten bitartean.
Hortxe, 12:00etan, Aramaioko Elexpuru ta 4, Lautadako Sorginetxe, Arabar Errioxako Txandrio eta Mendialdea juntatuko dira, eta herriko plazatik abiatuta bertso-triki poteoa egingo dute. Bazkal ostean, 16:30etatik aurrera, bertso saio musikatuan arituko dira bertsolariak. Talde guztien bertsolariek parte hartuko dute.
Hurrengo zita, martxoaren 12an izango da Argantzunen. Bertan bukatuko da aurtengo Arabako Bertso Kuadrilla artekoa.