Ametx erakunde autonomoak euskal literaturaren alorreko ikerketa-lanak saritzeko, Santiago Onaindia Ikerketa Bekaren 15. edizioa zabaldu du.
Euskal literaturaren alorreko ikerketa-lanak originalak eta lehenago argitaratu gabeak izango dira, eta euskaraz aurkeztuko dira. Banaka nahiz taldean aurkeztutako proiektuak izan daitezke hautagai.
Bekaren zuzkidura 9.000 €-koa izango da, eta lana gauzatzeko epea, urtebetekoa izango da.
Beharrezkoa den dokumentazioa aurkezteko epea irailaren 29ean, 14:00etan amaituko da. Ametx Erakunde Autonomoaren Erregistroan (Zelaieta Zentroan) aurkeztuko da dokumentazioa, eta bertan emango dira deialdi honen inguruko argibide guztiak.