Ostiralean, Tanttaka antzerki-taldeak Soka antzezlana taularatuko du Kultur Leioako Auditoriumean, 19:30etik aurrera. Eskola-jazarpenari buruzko lana da, Mikel Gurreak zuzendua eta Iñaki Rikartek antzeztua.
Eskolako jazarpenaren inguruko gogoeta jorratu du Mikel Gurrea zinemagileak, arte eszenikoetara jauzi eginez, Donostia 2016k sustatuko Dramaturgia berriak egitasmoa tarteko. Kultur Leioak jakinarazi duenez, “antzezpen handia, soila eta barrenak astinduko dizkiguna”.
Tanttaka konpainiaren arabera, “egon daiteken irudirik beldurgarrienarekin hasiko gara. Irudi iluna, ankerra, ulertezina. Irudi hori nondik datorren nik neuk ere ez dakit. Haurtzaroan pilatutako beldur askoren puztea izan daiteke, edo eta heldu bezala albisteetan irakurritakoen kezka nahasia. Irudi horri egin nahi nion nik tira, sokaren mutur batetik bestera zer zegoen deskubritzeko”.
