SGAE Fundazioak, Euskadiko Orkestrak eta Donostia Zinemaldiak antolaturiko Concierto & Proyección ekimenaren hamaikagarren edizioa irailaren 21ean egingo da, 18:00etan, Anoetako Belodromoan.
Programak film hauetarako sortutako soinu-bandak bildu ditu zaleen gozamenerako: Isabel Coixeten La Libreria, Alfonso de Villalongaren musikarekin; Kantauri, Xabier Mina eta Isaias Cruz zuzendariena, Joseba Beristainen musikarekin; El hombre y la tierra, Félix Rodríguez de la Fuenteren dokumentalak eta Antón García Abrilen musika; Soy Nevenka, Icíar Bollainena, eta Xavier Fonten bandaren zuzendaritzapean; Emilia, Miguel Ángel Calvo Buttiniren zuzendaritzapean eta Alicia Moroteren soinu-bandarekin; Paula Olazen konposizioak, Suite: Alguien que cuide de mí, Elvira Lido eta Daniela Fejerman zuzendarien filmetarako; Belén Macíasen Verano en rojo; Miguel Fausen Calladitas; Gerardo Herreroren Bajo terapia; eta D’Ortagnan eta hiru mosketxakurrak Toni Garcíarena, Manel Gil-Ingladaren musikarekin.
Programaren arduradunek esan dute ekimena oso arrakastatsua dela, publikoarengan duen harreragatik, oso zinemazalea eta, aldi berean, musikazalea den publikoaren profila sortzea lortu baitute.
