BESTELAKOAK

Orbain elkarteak hitzordu sorta ederra ondu du urrirako

Badira bost urte pertsona talde bat Gasteizen bildu zela, Punk Rock Euskal Herrian ikertu, kontserbatu eta zabaltzeko lehen elkartea sortzeko. Ordutik bost urte igaro dira, eta elkartea indartu egin da bere oinarriak finkatuz.

Orbain elkarteak makina bat hitzordu ondu ditu urrian, bost urte horiek behar bezala ospatzeko. Horrela, urriaren 1ean, 19:00etan, Ilargi Arana artista gasteiztarraren murala inauguratuko du Orbainek. Urriaren 10ean, 19:00etan, Patxi Irurzunen eleberriaren aurkezpena izango da elkartean. Lanaren protagonista rockzale zahar bat da, bere distira guztia galdu duen Rock Radikal Vascoko izar zaharra.
Urriaren 23an, Leire Zabaleta artistak bere erakusketa inauguratuko du. Argazkilaria Baffest Barakaldoko argazkilaritza Jaialdiaren V. edizioan aukeratu berri dute, eta Rock & Rollekin lotutako argazki sorta bat ikusgai jarriko du Gasteizen.

Musika ez da faltako, eta hilaren 24an, 20:00etan, Gasteizko Tobaco Road Blues bikotea arituko da. Hilaren azken egunean, 31n, larunbatean, eta 20:00etan, Lost Balas gasteiztarrak izango dira euren ibilbideko gaiak errepasatzen. Horrez gain, hirian dauden Dj batzuei lekua emango zaie, eta musika dezente eskainiko dute.

Programatutako ekitaldi guztietan azken orduko aldaketak egin behar dira, eta edukiera-muga egongo da osasun-distantzia gordetzeko, bai eta maskara eramateko betebeharra ere.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ACEPTAR
Aviso de cookies
Tresna-barrara saltatu