Nazioarteko Txotxongilo Jaialdia bere 41. edizioa ospatzen ari da Bilbon, azaroaren 19tik 27ra bitartean. Emanaldiak Campos Elíseos Antzokian eta La Fundicion aretoan eskaintzen dira, baita Bilboko auzoetan zein Bizkaiko hainbat herritan ere.
Makina bat ikuskizun oholtzaratzen ari dira txotxongilo ikusgarriekin, eta horretaz gain, hainbat erakusketa ere bidean dira. Aurten, txotxongiloen eta objektuen arte eszenikoen profesionalentzako eta zaleentzako prestakuntza-proposamena indartsua izan da. Sei ikastaro monografiko, 6 pertsona ezagunekin, behar den moduan egiteko. Sortzaileen prestakuntza hobea eta handiagoa, etorkizuneko ekoizpenen kalitatea hobetzearen parekoa da.
Asteburuari begira ikusgarri ederrez gozatzeko aukera izango da. Hala, gaur berton, Ipuin Txikiak izeneko saioa antolatu da. Pertsonaia dibertigarrien desfile bitxi bat da pieza. Pertsonaia horiek, eszenan bizi diren une laburretan, eguneroko bizitzan ezkutatuta dauden une poetiko txikiak harrapatu nahi dituzte. Pertsonaia horiek, beren amets eta frustrazioekin, beren arrakasta eta porrotekin, giza tragikomediaren betiko drama kontatzen digute…
Datozen egunotan honako obrekin gozatuko duzue: Durundi, Zapata Berriak, Dortoken Garaia, Hodeia Hodeia, Aldaketak eragiten dituzten emakumeak, Folk Magic Of Pirin, Argako Erregina, eta abar.
Eta azaroaren 19tik 28ra bitartean, munduko txoko guztietako jolasak eta jostailuak erakusgai. Kolorezko eta askotariko erakusketa, irudi eta testu deskribatzaileekin batera, Bilboko Txotena Gunean.
Programazio osoa hemen kontsultatu ahal duzue.
