Gaurtik, martxoak 27, igandera bitarte, martxoak 31, Lupa dokumentalen jaialdiaren seigarren edizioa egingo da Errenteriako Mikelazulo elkartean eta Donostiako Guardetxean. Ekimena Errenteriako Mikelazulo eta Donostiako Banda Bat elkarteek antolatu dute.
Jaialdian estatuko eta mundu osoko filmak ikusi ahalko dira, eta emanaldi guztietan proiektaturiko filmaren zuzendariak parte hartuko du. Jaialdiak dokumental generoko filmak zabaldu nahi ditu ikus-entzuleen artean. Horretaz gainera, dokumental egileen arteko topagunea ere izan nahi du, dokumentalaren munduaren gaineko gogoeta egiteko.
“Honekin, elkarren artean, dokumental sortzailearen sormen prozesuan zein ekoizpenean garrantzizkoak iruditzen zaizkigun zenbait gairi buruz hitz egin nahi dugu: inspirazio iturriak, dokumentalaren funtzioa, lan egiteko moduak, publikoari ezagutzera ematea eta abar”.
Filmak asko eta askotarikoa dira, tartean, 27 Urte ez dira ezer (Zintzilik irratia, 2013); Una historia para los Modlin (Sergio Oksman, 2012); 50 Días de mayo. Ensayo para una revolución (Alfondo amador, 2012); eta Txifarra (Juan Bidegain, 2012).
Martxoaren 22an, halaber, emanaldi berezi bat izango da Oreretako Ikastolan: Alfredo Torrescalles zuzendariaren Flores de la frontera (2012) dokumentala.
Pelikulen zerrenda osoa eta bestelako xehetasunen berri izateko (sinopsiak, ordutegiak, eta abar): guardetxeabandabat.org.
