Azaroaren 10etik 17ra bitarte egingo da Zinebi Bilboko Zine Dokumental eta Laburmetraia Nazioarteko Zinemaldiaren 59. edizioa. Bertan parte hartu nahi duen orok uztailaren 15era arteko epea dauka lanak aurkezteko.
Fikzio, dokumental eta animaziozko lanak bidali ahalko dira. Lanon iraupena, gehienez, 35 minutukoa izango da.
Hauexek aurkeztu beharko dira izena ematerakoan: inskripzio orria, bai eta ekoizleak gehitu nahi duen informazio osagarria ere; testuak euskaraz, gaztelaniaz edo ingelesez idatzi behar dira; eta hautaketarako Festhome plataforma bidezko lanak baino ez dira onartuko.
Filmen kopiak Zinemaldiako posta helbidera bidali beharko dira: Colón de Larreategi, 13, 3. ezk 48001 Bilbo, edo 579 posta kutxara, uztailaren 15a baino lehen.
Xehetasun guztiak: zinebi.eus.
