Hitzaldiak, zinemak eta Liburuen Nazioarteko Eguneko programa bereziak osatuko dute apirileko agenda Artiumen.
Liburuen Nazioarteko Egunak eta Aste Santuko oporrek markatzen dute Artiumen, Arte Garaikidearen Euskal Zentro-Museoaren, kultur jardueren programa apirilean.
Artiumek gai oso desberdineko bi hitzaldi programatu ditu apirilerako. Alde batetik, Abigail Lazkozek Artistak gurean programan parte hartuko du (apirilaren 10ean, asteazkena, 19:00etan). Artistak Museoaren Emanaldi aretoan azalduko du nola ekiten dion sortzeko prozesuari. Bestalde, Azucena Monge arte-hezitzaile eta Ikus-entzunezko Komunikazioan doktoreak emakume komikigileei buruzko hitzaldi bat emango du (apirilaren 16an, asteartea, 19:00etan). “Trantsizioaren garaian, helduentzako komikien boom betean eta feminismoarekiko konpromisoan oinarriturik bi sortzaile aipatuko ditu: Mariel Soria eta Laura Perez Vernetti”.
Zinemak ere protagonismoa hartuko du apirilean. Liburutegiak Eric Rohmer zinemagile frantsesari eskainitako zikloa osatu du. Gainera, CinémArtium izeneko frantsesezko zinema zikloaren barruan, Brahim Fritah-ren Chroniques d’une cour de récré pelikula proiektatuko da (apirilaren 23an, asteartea). Azkenik, Zinema eta arte garaikidea adinekoentzat zikloan, Vital Fundazioarekin elkarlanean, Robert Altman-en Vincent & Theo pelikula britainiarra eskainiko da (apirilaren 9an, asteartea)
Artiumek, apirilaren 12an, Liburuen Nazioarteko Eguna ospatuko du. Arte eta kulturako testuen irakurketa jarraitua izango da, egungo artisten argitalpen-proiektuei buruzko liburu erakusketa baten inaugurazioa, eta Anari kantariaren kontzertua.
Eta nola ez, bisita gidatuak izango dira zabaldik dituen erakusketan.
Informazio guztia: Artium.
