Giorgio Bassmatti musikari donostiarraren euskarazko alter egoa da Oso Fan. Egun, Gaztea irratiko B Aldea irratsaioan aritzen da kantuak euskaraz abesten, bere gitarraren laguntzarekin.
Bada, Oso Fan Lauroba taldeko Ikerrekin arituko da bi kontzertutan, Oso Fan vs. Iker Lauroba izenburupean: ostegunean, hilak 19, Donostiako Alboka tabernan izango dira, 20:30etik aurrera, eta ostiralean, hilak 20, Eibarko Beleko tabernan, 23:30ean.
Oso Fan, egunotan, bere lehenengo EPa osatuko duten kantuak prestatzen eta grabatzen ari da. Beraz, laster, musikariaren euskarazko kantuak entzun ahalko ditugu euskarri fisikoan.