Bilboko Udalak Miguel de Unamuno Saiakera sariaren 26. ediziorako deialdia abiatu du. Saria 1999. urtetik ematen da urtero, eta idazle, pentsalari eta filosofo bilbotarra omentzen du.
Lehiaketak bi modalitate ditu (gaztelania eta euskara), bakoitzak 6.000 euro ditu eta lan irabazlea ondoren argitaratuko da.
Deialdia adin nagusiko eta edozein nazionalitate egileei irekita dago. Lanak bi hizkuntza ofizialetako edozeinetan aurkez daitezke eta gai librekoak izango dira, baina ikuspegi sortzailea izango dute, ez akademikoa, eta gai bakarra edo gai bat baino gehiago landu beharko dituzte, multzoaren batasuna mantenduz. Lanek argitaragabeak izan behar dute, aurretik saritu gabeak eta gutxienez 100 orriko eta gehienez 250eko luzera izan beharko dute (normalizatuak: DIN A-4 formatua, Times New Roman letra-mota edo baliokidea, 12. letra-gorputza), 1,5 espaziora transkribatuak.
Originalak jasotzeko epea apirilaren 30ean itxiko da. www.bilbao.eus/unamunosaria webgunean oinarriak kontsultatu ahal izango dira eta izena emateko formularioa eskuragarri ere egongo da.
Aurreko edizioan, euskararen kategorian, Mitxelko Uranga Alvarez Filosofian doktoreak irabazi zuen sari nagusia, Emognosioa Egia-ostea, Konspiranoia eta negazionismoa lanagatik. Jorge Fernández Gonzalo izan zen irabazlea gaztelaniazko saiakeraren kategorian, Paradigmas migrantes. Estéticas y experiencias migratorias de mujeres lanarekin.
