Berri Txarrak hirukote ezagunak bost gaztetxetan joko du apirilean, Jaio.Musika.Hil diskoaren hamargarren urteurrenaren dela-eta, hilaren 6tik 10era, hain justu. Bada, bigarren kontzertua Tolosako Bonberenean izango da, apirilaren 7an, eta kontzertu horrek irekiko du, hain zuzen, Tolosako etxe okupatuak hil honetarako ondutako musika-egitarau oparoa.
Biharamunean, apirilak 8, Zingira eta Lenao talde gipuzkoarrak izango dira Bonberenean. Biek ala biek lan berri eta interesgarriak argitaratu dituzte: lehenengoa psikodelikoa, bigarrena, berriz, rock-klasikotik edaten duena. Apirilaren 9an, halaber, Liher eta Burundagangak joko dute.
Apirilaren 15ean, Grande Days eta Buffalo taldeak izango dira oholtzan. 16an, La Prima de Riesgo eta German y la Alegria del Barrio.
22an, Lauroba eta Kometa taldeen txanda izango da, eta 23an, halaber, Patxuko Nice; azken hori Joxe Ripiau, The Solanos eta Esne Beltza taldeetan aritutako Sergio Ordoñez Patxuko-ren proiektu berria da.
Apirilaren 27an, Ecstatic Vision banda psikodeliko estatubatuarrak joko dy, eta 29an, azkenik, Hiena eta Roto taldeak izango dira Bonbereneako agertokian.
Informazio gehiago: bonberenea.com.
