Lizarrako Antzinako Musika Astearen 53. edizioak emakumeak historian zehar musikan izan duen papera izango du ardatz. Haiek guztiak omenduak izango dira.
Irailaren 3tik 10era bitartean egingo den jaialdian Errenazimentuko eta Barrokoko emakume konpositore handiak omenduko dira, bai eta beste artista batzuen konposizioak inspiratu zituzten emakumeak, eta iruditeria mitiko eta sinbolikoaren parte diren emakumeak ere.
Badira Errenazimentuko eta Barrokoko konpositoreak, emakume ausart eta aitzindariak izan zirenak, konposizioaren arloan kanon maskulinoari aurre egin ziotenak. Eta badira, musak, sorkuntza gorenak inspiratu zituzten emakumeak. Eta haiek ere badira musika-berrikuntza instrumentalean aritu zirenak, viola da gamba eta bestelako instrumentuak jotzen zituztenak, musika-aire berriekin agertu zirenak. Eta emakumeak ere badira beren ahotsarekin musika interpretatzen dutenak eta beren instrumentuekin laguntzen dutenak.
Lizarrako Antzinako Musikaren Astearen berrogeita hamahirugarren edizio honetako programan, emakumeak izango dira protagonista, maila guztietan.
Musika programa horretan parte hartuko duten taldeak honako hauek dituzue: Stile Antico; La Ritirata; Isata & Wasserman; Delirivm Musica; Jordi Savall & Xabier Díaz-Latorre; Pascal Caumont & Manuel Vilas; Daniel Zapico; Miriam Feuersinger & Il Gardelino; Silvia Márquez; Egeria & Juan Andrés Pastor; eta Los Afectos Diversos.
Egunez eguneko programazioa kontsultatzeko egin klik hemen.
