Arnasak lan honek, oso modu sotilean, bi tresna eta tresna-jotzaileren arteko uztarketa biltzen du. Aitor Furundarenak eta Garikoitz Mendizabalek, esku-soinua eta txistua elkarren artean osatuz, maila handiko konposizioak aurkezten dituzte. "Patxada, alaitasuna, hausnarketa eta dantzagarritasuna bertako sustraietatik izaera unibertsalera barreiatzen direnak", Elkar argitaletxeak bidali duen oharrean jasotzen denez.
"Soinuaren arnas horizontala eta txistuaren arnasketa bertikala gurutzatzen diren puntu horixe dugu disko honen liluraren sorburua, lan garbi bezain iradokitzaile honen bihotza, arnasa herri doinu bilakatzen duen gako miresgarria".
Esaten dugunaren lekuko hoan hemen doinu goxo bat.
Elkar argitaletxeak bidalita
