Ostiralean hasiko da Berako Kataku ostatuak hil honetarako ondu duen musika egitaraua. Egun horretan, hain zuzen, Urretxuko Klak!son taldeak joko du. Urretxuarrek, iaz, haien hirugarren lan argitaratu zuten: bost kantuko Denboraleak EPa.
Klak!son boskotearen jarioan rock progresibo eta psikodelikoaren zantzuak antzematen dira, hasierako Itoizen antzera. Musikari hauexek osatzen dute banda: Mikel Bargiela (ahotsa), Asier Alkorta (gitarra), Ion G. Biteri (teklatua), Aritz Ormazabal (baxua) eta Mikel Arriaran (bateria).
Denboraleak EParen harira, ondokoa bildu dute haien bandcamp webgunean: “Alvaro Remachak grabatua 2015eko maiatzean, Andoaingo bere estudioan. Masterizazioa ere Alvarok egin zuen. Gainontzeko ekoizpen guztia Klak!sonen esku joan da”.
Otsailean, bestalde, beste hiru taldek joko dute Berako Kataku tabernan: 12an, Le mutant (Baiona) eta 19an, Nire (Irun). Martxoaren 4an, halaber, Pylone (Tolouse) eta Borrokan (Bera) arituko dira.