Bartzelonako Euskal Etxeak antolatu ohi duen Zinemaldia.cat jaialdia otsailean egingo da, 5etik 27ra bitarte, Bartzelonako Girona aretoetan. Aurten, sariak dirutan emango dira, estreinakoz, eta guztira hiru Txapela D’Or banatuko dira: dokumentalik onena, fikziorik onena eta euskarazko filmik onena.
Epaimahaia Euskal Herriko eta Kataluniako zinegileek osatuko dute: Judith Colell, Núria Vidal, Marc Martínez, Aritz Lekuona eta Hammudi Al-Rahmounillor.
Lehiatuko diren filmen harira, batzuk aipatuko ditugu: Fikzioan, Lasa eta Zabala, Loreak eta Negociador. Dokumentalen atalean, berriz, Ateak zabalduz, Lantada eta Echeverriatik Etxeberriara.
Horretaz gainera, txikientzako egitaraua ere izango da aurten, Txo! izenburupean.
