Maider Oleagaren Irrits filma izan da aurtengo Huhezinema jaialdiaren lan irabazlea.
Egun horretako kronika, halaxe dator: “Iluntzeko zazpietan hasi da guztiek espero genuen momentua, sari banaketa. Atmosferan ilusioa, urduritasuna eta jakin-mina antzeman dira hautatuen artean.”
Hauexek izan dira 16. Huhezinemako irabazleak. Sail Ofizialaren barruan, Huhezinema Saria, (800€), Irrits, Maider Oleagaren filma; Vertigo Saria (400€), Siempre lunes, David González; Senior Epaimahaiaren Saria (300€), Cuerdas, Estibaliz Urresola Solaguren; Ikusleen Saria (100€tan baloratutako saria), 36 izeneko lana, Ana Lambarri Tellaeche.
Beste aldetik, Bideoklip Onenaren Saria (300€), Coyote eta Chico Tornado Vs Don Condor eta Ñora Alacran, Nitya Lopez; Euskarazko Bideoklip Onena (200€), Nor Naiz Ni, Zein Zara Zu (Flavio Bánterla), Aitor Arruti; Ikusleen Saria (100€tan baloratutako saria), Coko (OLD G), Iñaki Tena eta Claudia Molina.
Azken sariak honako hauek izan dira: Ikasle Lan Onenaren Saria, (300€), Estampado, Gerardo Tomé; Mu Saria (150€), Mitxoletak, Javier Elizalde; Mundukide Saria (700€), Nahar, Beñat Goia eta Iraia Irazusta; eta Ikusleen Saria (100€tan baloratutako saria) Muskil, Marina Perosanz.
Azkenik, Elektropottotte elektrotxarangak girotu zuen iluntze euritsua Aretxabaletako Arkupe plazan eta DJ Cochinita Pibilen eskutik eman zioten itxiera ofiziala ordu txikitan aurtengo edizioari.