Nahi duten pertsona guztiek parte har dezakete, bideo-zintak, zuzeneko grabazioak edo animazio-lanak bidalita. Lanak aurkezteko epea urriaren 16an amaituko da.
Obraren gaia edozein izan daiteke eta lanek originalak eta argitaragabekoak izan behar dute; DVD formatuan (gehienez 15 minutu) aurkeztu behar dira, euskaraz nahiz gaztelaniaz. Lehiaketara aurkeztutako lanekin batera, parte hartzailearen datuak (izen-abizenak, helbidea, jaiotze-data, posta-elektronikoa eta telefono-zenbakia) bidaliko dira.
Filmak helbide honetara bidaliko dira: Kultur Leioa, Jose Ramon Aketxe plaza 11, 4., 48940 Leioa (Bizkaia).
Sariak honakoak izango dira: 1. saria 1.000 euro eta diploma; 1. saria (euskaraz) 1.000 euro eta diploma, eta 2. saria 700 euro eta diploma. Herriko egileen artean lanik onenak 400 euro eta diploma hartuko ditu.
Baldintza guztiak hemen ikus ditzakezue.