Urtarrilaren 12an, 18:00etan, bi egoitzatan garatutako bi sormen prozesu aurkeztuko dira Uharte Zentroan.
Marisa Mantxolak Caminografías proiektua aurkeztuko du. Ikerketa “lurraldearen kontenplazio pausatu eta xeherako gonbidapen gisa aurkezten da, eta esploratutako lekuetan aurkitutako bizitzaren aparteko artxibo gisa inskribatzen da. Artxibo horren helburua txikienaren berezitasuna berreskuratzea da, erraldoiaren konplexutasuna diseinatzeko, hau da, gizakia gizatiarra ez denarekin lotzen duen kosmobisio baterako begirada”.
Bestalde, Olatz Ovejerok landa eremuko hiru euskal emakumeren errealitatea islatzen duen dokumental bat aurkeztuko du: Hiru bider.
“Gauza pertsonala da, zehatza, baina orokortasunetik sortua. Pelikulan, distantziatik elkartuta dauden hiru emakume ikusten dira. Beraien gorputzak baserrien arkitekturari lotuta eginak dira eta filmak hiru erretratu isil eta magiko ikusarazten ditu. Hala ere, sukaldeetan eta zuhaitzen artean, hostoen atzean, eguzkia sartzen den tokian, errezeta batzuk, herbarioak eta mitologia aurkitzen ditugu.”
