Sustrai Colinak irabazi zuen Maule-Lextarren larunbatean jokatu zen Bertsolari Txapelketa Nagusiko azken finalaurrekoa. Bere atzetik, Unai Agirre, Jexux Mari Irazu, Aitor Mendiluze, Jone Uria eta Agin Laburu sartu ziren.
Azken finalaurrekoa izan denez, finalean kantatuko duten bertsolarien izenen zerrenda osatu da: Maialen Lujanbio, Amets Arzallus, Igor Elortza, Sustrai Colina, Aitor Mendiluze, Beñat Gaztelumendi, Unai Iturriaga eta Aitor Sarriegi. Hauek igoko dira abenduaren 15ean BECeko oholtzara.
